ശകുനങ്ങള്‍

ഒരു യാത്രയ്ക്കിറങ്ങുമ്പോള്‍ ആദ്യമായി കാണുന്നതോ കേള്‍ക്കുന്നതോ ഇന്ദ്രീയ വിഷയമാകുന്നതോ ആയ സംഭവത്തെയാണ് ശകുനം എന്ന് പറയുന്നത്. ശുഭശകുനങ്ങളും ദുശ്ശകുനങ്ങളുമുണ്ട്. ആന, വാഹനങ്ങള്‍, രാജാവ്, കയറിട്ടകാള, പശു, മദ്യം, മണ്ണ്, ശവം, കത്തുന്ന തീയ്, അക്ഷതം, നെയ്യ്, ചന്ദനം, വെളുത്തപുഷ്പങ്ങള്‍, രണ്ട് ബ്രാഹ്മണര്‍, ഒറ്റശൂദ്രന്‍, കായ്കനികള്‍ , വേശ്യസ്ത്രീ, തൈര്, തേന്‍, കരിമ്പ് എന്നിവ ഉത്തമ ശകുനങ്ങളാണ്.

വാദ്യാഘോഷങ്ങളുടെ ശബ്ദവും വേദശ്രവണവും പക്ഷികളുടെ ഹൃദ്യമായ നാദവും ശുഭമായിട്ടുള്ളതാണ്. വിറക്, എണ്ണ, കഴുത, ചൂല്, മുറം, ദര്‍ഭ, പോത്ത്, കയറില്ലാത്ത കാള, എള്ള്, ഉപ്പ്, കയറ്, മഴു , വടിധരിച്ചവര്‍, തലമുണ്ഡനം ചെയ്തവന്‍, അംഗഹീനര്‍, വിധവ, പാമ്പ്, രോഗി, ബലിപുഷ്പം എന്നിവ ദുശകുനങ്ങളാണ്.

യാത്രയില്‍ ആദ്യമായി ഒരു ദുശ്ശകുനം കണ്ടാല്‍ മടങ്ങി വന്നു പതിനൊന്നു പ്രാണായാമം ചെയ്തിട്ട് വീണ്ടും പോകാം. ദുശ്ശകുനം ആവര്‍ത്തിച്ചാല്‍ യാത്ര മാറ്റി വയ്ക്കുന്നതാണ് ഉത്തമം